Otru añu más, l’asociación cultural xixonesa Tertulia Cultural El Garrapiellu prepárase pa facer la perconocía ruta andariega ente Xixón y Cuadonga.
Una travesía que nesta asociación vien faciéndose dende va venti años, añu a añu.
Son al rodiu quince mil los andariegos que tolos años, camín de Cuadonga, pasen pelos ablucantes paisaxes que-y dan forma a esta sienda. Sienda que pasu ente pasu percorre los conceyos asturianos de Xixón, Villaviciosa, Piloña, Parres y Cangues d'Onís.
La ruta Xixón a Cuadonga tien al rodiu de setenta y cincu kilómetros. La marcha entama en Xixón, más concretamente en Deva pa dempués d’unes poques xornaes, polo xeneral faise en dos díes de camín, llégase al santuariu de Cuadonga. Pa ello, hai que siguir les marques que punxo l’Asociación Cultural El Garrapiellu. Éses marques son trisqueles (tamién llamaes garrapiellos), hai dellos llugares onde se punxeron cartelos de madera.
La Tertulia Cultural El Garrapiellu quier poner tamién de manifiestu, el so interés nel sen de da-y un emburrión a esta ruta como posible motor económicu de les fasteres rurales asturianes peles que pasa, atrayendo un turismu secañosu de cultura y paisaxe.
Tamién-y prestaria que valiere como noyu de desendolcu llaboral pa la xente moza, afitando asina población nos disminuyíos pueblos asturianos.
Hai dellos años punxose, dende El Garrapiellu, munchu enfotu en facer un área recreativa en Sorribes (Piloña) nun llugar bien apegau al camín que conduz a Parres, pa ello ficienrose aconceyamientos col Ayuntamientu Piloña. Esti añu, por fin paez qu’entamen les obres, ye por ello que facemos nuesa la idea d’esi llugar onde esparder na ruta que va a Cuadonga
Esta ruta ta abierta a xente de toa triba que quiera facela con nos.
La prósima Marcha a Cuadonga, tendrá llugar los díes 24-26 xunetu. Saldráse'l vienres 24 xunetu a les 8:30 la mañana dende la ponte de piedra de Deva, xunto’l llavaderu.
El camín fadráse según la ruta los caberos años:
- El vienres la xinta sedrá l'altura Valbúcar (Amandi – La Villa) ensin na planificao, el que quiera de bocadiellu y al que-y pete un llugar onde xintar tien d’acutalu sobre la marcha. Faciendo nueche en Sietes/Anayu.
- El sábadu 25 de xunetu fadremos marcha hasta Llames de Parres, onde ta acutau l’albergue pa dormir.
- Y el domingu 26 de xunetu, aportarase a Cuadonga. La torna pa Xixón sedrá n'autocar.
El preciu ye 65 € pa socios y 70 € pa non socios, incluyi una furgoneta pa chanos un gabitu coles maletes.
Darréu detallase tolo que ta dientro’l preciu:
- Nueches en Sietes/Anayu y Llames de Parres.
- Cena del sábadu en Llames de Parres.
- Almuerzu del domingu en Llames de Parres.
- Autobús de vuelta dende Cuadonga hasta Xixón.
- Furgoneta pa carretar les maletes.
El preciu nun incluye:
- Xintes del mediudía.
- Cena del vienres.
- Almuerzu del sábadu.
Pa la xente que s'incorpore a la marcha'l sábadu, el preciu ye: 48 € pa socios y 53 pa non socios.
Los que teáis interesaos habeis de ponevos en contautu, por favor, col nuesu Presidente Tino Lozano, el so móvil ye: 606.39.03.44, asina acutais plaza.
Persona de contautu: Tino Lozano (Presidente d’El Garrapiellu)
Tlf. de contautu: 606.39.03.44
