Marcha a Cuadonga

Estimaos collacios:

Pola presente quiero facer un llamáu pala prósima Marcha a Cuadonga, tendrá llugar los díes 24-26 xunetu.
Saldráse'l vienres 24 xunetu a les 8:30 la mañana dende la ponte de piedra de Deva, xunto’l llavaderu.
El camín fadráse según la ruta los caberos años:

- El vienres la xinta sedrá l'altura Valbúcar (Amandi – La Villa) ensin na planificao, el que quiera de bocadiellu y al que-y pete un llugar onde xintar tien d’acutalu sobre la marcha. Dormiremos en Sietes/Anayu.

- El sábadu 25 de xunetu fadremos marcha hasta Llames de Parres, onde dormiremos nel albergue.

- Y el domingu 26 de xunetu, aportarase a Cuadonga. La torna pa Xixón sedrá n'autocar.

El preciu ye 65 € pa socios y 70 € pa non socios, nel preciu amás de les coses habituales vamos incluyir una furgoneta pa chanos un gabitu coles maletes, de xuro agradecerase.

Darréu detallase tolo que ta dientro’l preciu:
- Nueches en Sietes/Anayu y Llames de Parres.
- Cena del sábadu en Llames de Parres.
- Almuerzu del domingu en Llames de Parres.
- Autobús de vuelta dende Cuadonga hasta Xixón.
- Furgoneta pa carretar les maletes.
El preciu nun incluye:
- Xintes del mediudía.
- Cena del vienres.
- Almuerzu del sábadu.

Pa la xente que s'incorpore a la marcha'l sábadu, el preciu ye: 48 € pa socios y 53 pa non socios.
Los que teáis interesaos habeis de ponevos en contautu, por favor, col nuesu Presidente Tino Lozano, el so móvil ye: 606.39.03.44, asina acutais plaza.

Fecha llímite pala reserva y pagu efeutivu de la plaza: xueves 13 de xunetu. Ye perimportante ser estrictos con esta fecha, la organización tien de confirmar y pagar les places nel hotel y nel albergue con tiempu bastante.

Un saludo y ánimu pala marcha,
EL GARRAPIELLU.