José Luís Rendueles faise col XVIII Premiu del concursu de Cuentos Curtios El Garrapiellu
Esta selmana aconceyó’l xuráu del XVIII Premiu del concursu de Cuentos Curtios El Garrapiellu pa fallar los gallardonaos d’esta edición. Dempués d’aldericar en Xixón, llegóse al alcuerdu de declarar ganador al rellatu Lentu, que resultó ser de José Luís Rendueles. El primer premiu ta dotáu con 900 euros.
El xuráu decidió, amás, dar un accésit de 300 euros al rellatu (Solo) un besu, de Pablo Texón Castañón.
El xuráu d’esta XVIII edición taba formáu pol académicu de la llingua D. Vicente García Oliva, pola escritora y mayestra Dª Iris Díaz Trancho, pol organizador del eventu cultural L’Arribada y escritor D. Humberto Gonzali, pol anterior ganador d’esti premiu D. Pablo Rodríguez Mediana y pol mayestru y direutor del programa de la RPA Nomes d’Asturies D. Chechu García.
No hay comentarios:
Publicar un comentario