sábado, 15 de mayo de 2010

Xixón Cuadonga 2010





Estimaos collacios:

Pola presente quiero facer un llamáu pala prósima Marcha a Cuadonga, tendrá llugar los díes 9-11 xunetu.
Saldráse'l vienres 9 xunetu a les 8:30 la mañana dende la ponte de piedra de Deva, xunto’l llavaderu.
El camín fadráse según la ruta los caberos años:

- El vienres 9 la xinta sedrá l'altura Valbúcar (Amandi – La Villa) ensin na planificao, el que quiera de bocadiellu y al que-y pete un llugar onde xintar tien d’acutalu sobre la marcha. Dormiremos en Sietes/Anayu.

- El sábadu 10 fadremos marcha hasta Llames de Parres, onde dormiremos nel albergue.
- Y el domingu 11 aportarase a Cuadonga. La torna pa Xixón sedrá n'autocar.

El preciu ye 70 € pa socios y 75 € pa non socios.
Darréu detallase tolo que ta dientro’l preciu:
- Nueches en Sietes/Anayu y Llames de Parres.
- Cena del sábadu en Llames de Parres.
- Almuerzu del domingu en Llames de Parres.
- Autobús de vuelta dende Cuadonga hasta Xixón.


El preciu nun incluye:
- Xintes del mediudía.
- Cena del vienres.
- Almuerzu del sábadu.


Pa la xente que s'incorpore a la marcha'l sábadu, el preciu ye: 50 € pa socios y 55 pa non socios.
Los que teáis interesaos habeis de ponevos en contautu, por favor, con Vicente (respuesta a esti mail o teléfonu 629.17.69.35) ó col nuesu Presidente Tino Lozano, el so móvil ye: 606.39.03.44, asina acutais plaza.

Fecha llímite pala reserva y pagu efeutivu de la plaza: xueves 16 de xunu. Ye perimportante ser estrictos con esta fecha, la organización tien de confirmar y pagar les places nel hotel y nel albergue con tiempu bastante. Avisu importante: esti añu tamos limitaos a 32 plazes pa'dormir, asina que ruégovos a los que teis interesaos que nun dexéis la reserva pa'l últimu momentu.

Un saludo y ánimu pala marcha,
EL GARRAPIELLU.