miércoles, 17 de marzo de 2010

Espicha XX Aniversariu





Collacies y collacios:

Esti añu 2010 tamos d’aniversariu. Yá va pa 20 años qu’entamemos esta Tertulia Cultural “El Garrapiellu”, una Asociación que tien una llarga trayeutoria nel texíu asociativu de la sociedá civil asturiana. Siguir na xera col mesmu enfotu asturianista y comprometíu col país ye méritu de toes y toos. Poro, queremos celebralo y esperamos que vos preste acompañanos.

El prósimu 26 de marzu, vienres, vamos facer una ESPICHA que, amás de servir pa venos y charrar, va ser l’entamu del nuesu 20 Aniversariu como Asociación: "GARRAPIELLU, 20 AÑOS FACIENDO CONCIENCIA N’ASTURIES".

Vamos falar de les estayes que preparamos pa esti añu, que han tener puxu no festivu, si non críticu y reinvindicativu cola fin de que l’aniversariu faiga pola dignidá del patrimoniu cultural asturianu, recuerde les coses que ficimos y les que desiximos pal futuru de la nuesa cultura d’Asturies. La fiesta tien de ser tamién un motivu pa crear conciencia de País.

El primer pasu ye la espicha del 26 de marzu, onde amás de los socios garrapiellos, vieyos y nuevos, tamién tarán medios de comunicación y persones que a llargo d'estos caberos años mos sofitaron o ficieron un llabor na defensa del patrimoniu cultural asturianu. Animámosvos a la sidra en compaña y demás fastos del aniversariu. L’ésitu ye, como siempre, el que queramos da-y la xente del GARRAPIELLU col nuesu enfotu y collaboración.

Detalles de la ESPICHA:

  • Llugar: Llagar de Viñao, Viesques, Xixón (detrás del Elefante Azul).
  • Hora: entama a les 20:30.
  • Preciu persona: 25 €.

Pa los y les que nun tenéis coche, vamos facer un serviciu puerta a puerta dende la plaza l’Humedal al mesmu corchu la espicha. Y si tenéis sitiu en coche, agradeceríemos que collaborareis con espíritu garrapiellu pa que tol mundu puea xubir y baxar.

Pidímosvos que por favor confirméis l’asistencia a estos contactos:




Ver mapa más grande