SAN PEDRO LA COLLÁ

Estimaos collacios:

Pásovos acta de la última xunta directiva con un pelín de retrasu porque hubo que confirmar varios puntos enantes de poder oficializala:

SAN PEDRO LA COLLÁ

Xuntarémonos el domingu 28 de xunu a les 12:00 en baxu el texu. La idea ye dai un mayor impulsu a la convocatoria con el obxetivu de conseguir la declaración de bien cultural y natural protexíu pal conxuntu del texu y la ilesia. Esti añu habrá gaiteros y xinta popular denpués de la misa. Anímovos a participar nesta convocatoria que ye además una ocasión per bona pa xuntanos toos y pasar un ratu agradable.

CAMÍN A CUADONGA:
Como ya se comunicó, les feches pa'esti añu son 24-25-26 de xunetu. Ya se envió una carta con tos los detalles que recibiréis en los próximos díes. La persona de contautu ye el nuesu presidente, Sr. Tino Lozano, teléf.: 606.39.03.44.

PROYEUTU DE REVISIÓN DEL CAMÍN A CUADONGA
La idea ye arreglar y da-y mayor notoriedad a esta estaya de les más señeres de EL GARRAPIELLU, con edición de folletos, arreglu de señales, formación de guías y demás coses que se nos ocurran. Coordinen: Pablo García y Sabel Tuñón.

20 AÑOS DEL GARRAPIELLU
Queda nombrau el Comité al cargu de la coordinación de eventos y estayes en relación a la que será la actividá central del GARRAPIELLU pa'l añu prósimu. Los afortunaos son:

- Tino Lozano.
- Rocío Tuñón.
- Pablo Armesto.
- Chema Vega.
- Dubardu Puente.

ASAMBLEA XENERAL DE LA ASOCIACIÓN
Convocarase pa'l prósimu 26 de setiembre, sábadu. Ampliarase información y documentación en una convocatoria específica.

Un saludu,
DIRECTIVA DEL GARRAPIELLU